4 نوفمبر، 2023 9:05 مساءً
لوجو الوطن اليوم
حسن شاكوش يرد على طليقته.. الرجل له شرف مثل المرأة
حسن شاكوش يرد على طليقته.. الرجل له شرف مثل المرأة
حسن شاكوش يرد على طليقته.. الرجل له شرف مثل المرأة

خرج مؤدي المهرجانات حسن شاكوش، عن صمته، ورد على تصريحات طليقته ريم طارق مع الإعلامية بسمة وهبة وحديثها عن تفاصيل طلاقهما.

ومن خلال مقطع فيديو عبر “انستغرام” قال شاكوش:

■ المشكلة اللي كانت بيني وبين الإنسانة اللي كانت مراتي، وكنت ساكت والفترة اللي فاتت نزلت بوست على صفحتي وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق أي بنت أو أي ست عموما.

■ عارف يعني إيه المرأة المصرية، وشرف المرأة المصرية، وزي ما الست ليها شرف وكرامة، الراجل ليه شرف وكرامة برضه.

■ شغلي معتمد على سمعتي، واتجاه شغلي للبنات وللمجتمع بتاعي، واللي بيحبني وكل اللي بيسمعني ناس محترمة، وما ينفعش أجيب سيرة واحدة بأي حاجة وحشة، وده اللي اتربيت عليه.

■ أنا من منطقة شعبية وراجل صعيدي، وما اتكلمتش مش خوف ولا ضعف، ولكن علشان الإنسانة دي كانت مراتي ما بينفعش أتكلم في حاجة تمسني أو تمسها نهائي، وما ينفعش الراجل يجيب سيرة مراته.

■ وليا حق الرد وإن زي ما الست المصرية عندها شرف وكرامة لازم نحترمها والراجل كمان عنده شرف وكرامة، وبقول كفاية كده لازم لما تسمعوا من الطرفين.. وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا.

■ اتجوزت 55 يوم فقط، واللي كنت هتكلم فيه طليقها اتكلم فيه وقاله.

زوارنا يتصفحون الآن