الإعلامية المصرية ياسمين عز أحدثت حالة من الجدل، وتعرضت لانتقادات بعد تصريحاتها الأخيرة التي وجهت من خلالها نصائح للزوجات حول كيفية التعامل مع أزواجهن.
وعلق النجم المصري خالد سرحان على مقطع منتشر لياسمين عز توجه فيه حديثها للمرأة التي تطلب من الرجل خلع حذائه قبل دخوله المنزل، مشيرة إلى أنه المسؤول عن شراء المنزل، منتقدة إياها: “ده أنا أحط فساتيني الماركات تحت رجله يمشي عليها”.
وعلق سرحان على الفيديو، قائلا: البت دي عايزة تعمل ترند والناس تتكلم عنها بلاش تساعدوها في الهبل.
ولطالما انتقد خالد سرحان مواقع التواصل الاجتماعي واصفا إياه بالـ”مستنقع”، قائلا: يوجد مستنقع كبير اسمه السوشال ميديا، والمفيد فيه لا يتعدى 10%، وهذا المستنقع أتاح لأي شخص يختفي خلف شاشة الحق في السب واللعن وإخراج عقده النفسية على البشر.
ومن بين تصريحات ياسمين عز التي استفزت الجمهور وأثارت غضبهم لا سيما فئة النساء، حينما ألقت اللوم على المرأة في حال تعرضت للخيانة من قبل زوجها، قائلة: والله لو اهتميتي بجوزك نص الاهتمام اللي بتهتميه لغسيل السجاجيد، وغسيل المواعين عمره ما يفكر يبص لواحدة برا غيرك.. واللي أنتي مش عارفاه إن الراجل أساسه طفل، طول الوقت محتاج رعاية واهتمام.
ونصحت ياسمين المرأة بمعاملة زوجها كابنها، قائلة: جوزك دايما محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده، هو محتاج دايمًا يكون شايف قدامه المزة بتاعته، البنت اللي ساب ستات الدنيا واختارها عشان يكمل معاها، وتكون شريكة حياته.
ولم تقف نصائحها هنا، بل طلبت من المرأة إخفاض صوتها عند الحديث مع زوجها والامتناع عن الصراخ، كي لا يرى الرجل أن أمامه امرأة مسترجلة، وتابعت: خلي دايمًا صوتك واطي وطبعك هادي، وبشوشة حتى لو هتمثلي، لحد ما يبقى الموضوع فيكي حقيقي، متبقيش نكدية عشان النكدية بتبقى كتلة نار بتحرق البيت كله، اتمنى تكوني سألتي نفسك انت مقصرة في حق جوزك ولا لا.
