مع تزايد التعليقات السلبية حول إعلان النجمة المصرية شيرين عبد الوهاب عودتها مجددا لعصمة حسام حبيب، أطلقت الفنانة المصرية سمية الخشاب عدة تغريدات حول “العلاقات السامة والمؤذية” وخطورة تصرفات بعض النساء باسم الحب على كرامة المرأة، ونصحت سمية الخشاب الجميع بعدم الاهتمام بمشكلة شخص هو نفسه لا يهتم بمصلحته.
الفنانة سمية الخشاب غردت عبر حسابها بموقع تويتر صباح اليوم السبت قائلة: “بعد كده يا حبايبي منتعاطفش مع حد الا لما نتأكد انه هو نفسه متعاطف مع نفسه عشان منحرقش كتير علي الفاضي”.
وأضافت:” الواحد لما بيركز فشغله وحياته وشكله بيوصل لمرحله ملكيه مبيبقاش فعلا محتاج لحد، الا لو هو بلا هويه ولازم يكون تابع لحد عشان يعرف يعيش” .
وواصلت سمية الخشاب مغردة: “اي علاقه تمنها كرامه الانسان تغور فستين داهيه، العالم فيه ٦ مليار والله، ٨ مليار بس في ٢ مليار اشباه بني ادمين مش محسوبين علينا” .
وقدمت الخشاب نصيحة للبنات قائلة: “المهم يا بنات ويا ستات ارجوكم حاولوا علي قد ما تقدروا تبقوا good representation واعرفوا قيمه نفسكم واعرفوا انكم مش محتاجين اي حد في الدنيا، ده بالعكس هما اللي محتاجيننا اكتر”.
وتابعت قائلة: لا للتعلق، لا للتعلق بالناس السامه، لا للتعلق بالناس المؤذية، اتعلقوا بالحب الوحيد والكبير رب الكون اللي عمره ماهيتخلي عنكم وعمره ماهيأذيكم ومن عبده مفيش حاجه اسمها حب، وفروا مشاعركم لنفسكم، انتوا محتاجينها اكتر.
يذكر أن سمية قدمت الدعم للفنانة شيرين عبد الوهاب فور إيداعها مصحة علاج الإدمان، ونشرت صورة لهما عبر صفحتها الرسمية على موقع الفيس بوك وعلقت عليها قائلة: حبيبتي شيرين، ربنا يقويكي، حاسة بيكي وعارفه انتي بتمري بايه اكتر من اي حد، ربنا يقومك بالسلامة عشان اللي مريتي به في السنين الأخيرة مفيش بني ادم يقدر يستحمله، طيبه القلب ساعات بتبقي ابتلاء اكتر من انها نعمه..
