حلت النجمة المصرية ميار الببلاوي، ضيفة ببرنامج قعدة ستات، المذاع عبر شاشة القاهرة اليوم، وتحدثت عن مشاهدها الجريئة في فيلم “ديسكو ديسكو” والتي جمعتها بالفنان عمرو عبد الجليل، وكواليس المشهد ونصيحة الفنانة نجلاء فتحي التي أثارت الجدل عبر مواقع التواصل الاجتماعي.
وقالت الفنانة ميار الببلاوي: الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكدة، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني”.
وكشفت الفنانة ميار الببلاوي، نصيحة الفنانة نجلاء فتحي لها خلال تصوير فيلم ديسكو ديسكو، بعد رفضها تقديم أحد المشاهد الجريئة مع الفنان عمرو عبد الجليل في نهار شهر رمضان.
وقالت ميار الببلاوي: لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني.
استكملت ميار الببلاوي حديثها: يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان.
وأضافت ميار الببلاوي: ولكن مشهدي الجرئ مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت.
