أثارت البلوجر أحلام عادل، جدلًا واسعًا على السوشيال ميديا خلال الساعات الأخيرة الماضية، عقب ظهورها في مقطع فيديو نشرته عبر حسابها الرسمي على موقع التواصل الاجتماعي (فيس بوك) كشفت خلاله عن معاناتها طوال فترة الحمل، وخوفها من الإنجاب.
حيث قالت في الفيديو الذي أثار تباين متابعيها ما بين تعاطف البعض معها، وسخرية البعض الآخر: “صلي ع النبي انتي دلوقتي هتجيبي إنسان.. أنا مش عايزة أولد قيصري ولا طبيعي.. مش عجباني.. ما هو لازم يتولد الأمهات دي بتتعب جدًا بجد”.
وأضافت: “قعدت أسأل لو أنا ما ولدتش طبيعي ولا قيصيري.. المشكلة إنه لا حول ولا قوة إلا بالله.. المفروض إن أنا أبقى كويسة.. الأمهات دي بتتعب جدًا والله العظيم لو حد زعل مامته ولّا فكر انتوا بتزعلوا أمهاتكوا ليه ما بتسألوش عليهم ليه وبتحبوهم حسبي الله ونعم الوكيل بجد”.
وتابعت: “أنا خايفة.. أنا خايفة ومش فاهمة وفي نفس الوقت بقعد أقول لنفسي ما انتي أكيد هتفهمي ما هو انتي اتجوزتي يبقى هتخلفي عادي وبعدين أصلها كبيرة إن انت تجيب إنسان للدنيا وتبقى مسئول عنه ويطلع سوي نفسيًا وإحنا أصلًا في مجتمع.. وبعدين يعني لو ولدت طبيعي هقعد أحزق وأنا مش بعرف أحزق.. ولو ولدت قيصري هيفتحوا بطني.. وأربعين يوم ويقعدوا يشربوني حاجات ما بحبهاش حلبة ومغات”.
واستكملت: “أنا بصراحة خايفة.. خايفة ومش عارفة أعمل إيه.. أنا ركنت العربية عشان أعيط أنا هفضل كده لحد ما أبقى كويسة .. أنا كويسة مفيش حاجة استمتعي بالحمل حتى لو مش عارفة مالك قولي لنفسك أنا كويسة”.
