وجه الفنان والمطرب المصري مصطفى قمر ، رسالة قاسية للناقد الفني طارق الشناوي، بعد وصف الأخير لفيلم أولاد حريم كريم” بأنه من أسوأ الأعمال الفنية.

وعبر انستغرام علق مصطفى قمر: “هو أنا مش طلبت منك تبعد عني أصلا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة أي فيلم تاني (فكرني كدة شغلتك ايه….؟…. هي من اريع حروف بيتهيألي”.

اقرأ أيضًا: الاستيلاء على حسابات شيرين عبد الوهاب في مواقع التواصل الاجتماعي

كان الناقد الفني طارق الشناوي قد صرح إن “فيلم أولاد حريم كريم” من أسوأ الأعمال الفنية على الرغم من أن مخرجه علي إدريس مخرج مهم، وزينب عزيز كاتبة مهمة.

وتابع الناقد طارق الشناوي: “مصطفى قمر عايش على الزمن القديم، ومصطفى قمر في عز فشله كمطرب قرر أنه يعمل الفيلم واللي اشتغل معاه الجزء الثاني الحريم اللي مش مطلوبين أوي في السينما”.

ويعرض حاليا فيلم “أولاد حريم كريم” بالسينمات منذ أسبوع وحقق إيرادات تخطت 3 ملايين و500 ألف جنيه.

ويعرض فيلم “حريم كريم 2” حاليا بالسينمات بعد مرور 18 عاما على عرض الجزء الأول من الفيلم الذي تم طرحه عام 2005.

فيلم “أولاد حريم كريم” بطولة “مصطفى قمر، داليا البحيري، بسمة، علا غانم، خالد سرحان، ومع نجوم “أولاد حريم كريم” عمرو عبد الجليل وبشرى، بالإضافة إلي مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم ، وتأليف زينب عزيز وإخراج على إدريس.